Shoqata e Botuesve Shqiptarë

Last Updated: 25/08/2010 - 11:00

» KATEGORITË

LAJME
AKTIVITETE
LIBRA

» LAJMET E FUNDIT

Panairi i librit STRUGA 2010
• Në kalendarin e panaireve që ka planifikuar Shoqata e Botuesve Shqiptarë të Maqedonisë për vitin 2010, është edhe organizimi i panairit veror të librit shqip në qytetin e Strugës.

PANAIRI I LIBRIT NË LAJPCIG, 18 - 21 MARS 2010
• Shoqata e Botuesve Shqiptare e përfaqësoi Republikën e Maqedonisë edhe në Panairin e sivjetshëm të librit në Lajpcig, Gjermani, i cili u mbajt prej 18 deri më 21 mars të këtij viti. Përndryshe, ky ishte prezantimi i dytë zyrtar i SHBSH-së dhe Republikës së Maqedonisë në këtë panair po ashtu prestigjioz të librit, i cili nga panairet tjera ndërkombëtare dallon nga rëndësia që ua kushton në rend të parë autorëve dhe publikut.

Reagim për programin e panaireve ndërkombëtare
• Po ashtu, mospajtimi ynë ka të bëjë me faktin se nuk është marrë parasysh programi i SHBSH-së për prezantim në disa panaire ndërkombëtare, program ky i paraqitur deri te Ministria e Kulturës në afat të rregullt kohor, nga i cili, për neve, më me rëndësi është panairi i librit në Prishtinë, i cili sivjet shënon edhe jubileun e parë të mbajtjes së tij dhe është panairi i parë i librit në Kosovën e pavarur. Ne, anëtarët e Shoqatës së Botuesve Shqiptarë, si organizatorë të prezantimeve të suksesshme në shumë panaire ndërkombëtare, mendojmë se rezultatet e shpallura në programin e Ministrisë së Kulturës nuk janë aspak të drejta dhe reale, pasi si bartës dhe organizatorë për në panairin e librit në Frankfurt janë caktuar dy subjektet e njëjta të cilat vjet dështuan dhe nuk arritën të organizojnë prezantim të botimeve nga Maqedonia.

EGGRA FITON ÇMIMIN “Best of Nation” EULDA ‘07
• Logo e SHBSH-së fitoi çmimin "Best of Nation"

Libri shqip në Panairin e Shkupit
• Me rastin e panairit ftojmë publikisht stafin e ri në ministrinë e kulturës që të kontribojë në organizim të mirrëfilltë të këtij panairi libri dhe ate sipas sygjerimeve që shoqata jonë ka dhënë që moti; e ajo është që në organizim të kyqen edhe asociacionet e librit dhe kulturës, si kudo në botë, që ky panair të jetë vërtetë një eveniment ndërkombëtarë i librit dhe fjalës së shkruar.

» NEWSLETTER

Subscribe
Unsubscribe

Design by www.albart.com

Kërko: Site Web

Shoqata e Botuesve Shqiptarë në Maqedoni është organizatë joqeveritare e themeluar në gusht të vitit 2000, me seli në Shkup. Ajo i tubon në gjirin e vet botuesit më të dalluar në Republikën e Maqedonisë të cilët botojnë në gjuhën shqipe. Numri i anëtarëve të SHBSH-së aktualisht është 12 (dymbëdhjetë).

Gjatë këtyre 10 (dhjetë) viteve të funksionimit dhe veprimit, Shoqata e Botuesve Shqiptarë ka ndërmarrë dhe realizuar një sërë aktivitetesh, përfshirë këtu panairet e librit, debatet dhe tribunat e ndryshme, tryezat e rrumbullakëta etj.

Shoqata e Botuesve Shqiptarë si prioritet kryesor të vetin ka vendosur afirmimin e librit shqip në vendin tonë. Në këtë drejtim, një nga aktivitetet kryesore të SHBSH-së është organizimi i panaireve të librit. Kështu, SHBSH-ja deri më tani ka organizuar 19 panaire të librit, edhe atë 9 (nëntë) në Tetovë, 5 (pesë) në Shkup, 3 (tre) në Strugë dhe 2 (dy) në Gostivar.

Po ashtu, me qëllim të afirmimit më të gjerë të botimeve në gjuhën shqipe nga botuesit shqiptarë në Republikën e Maqedonisë, Shoqata e Botuesve Shqiptarë ka marrë pjesë në një numër të konsiderueshëm të panaireve të librit në nivel rajonal dhe ndërkombëtar, si për shembull në Panairet e librit në Prishtinë, në Tiranë dhe Ulqin; pastaj në Panairin e Frankfurtit, Panairin e Lajpcigut, Panairin e Stambollit etj.

Shoqata e Botuesve Shqiptarë, gjithashtu, për disa vite me radhë, përmes një manifestimi modest, e shënon edhe Ditën botërore të librit dhe të drejtës autoriale, 23 Prillin.

» INTERVISTA

» POOL

Cka mendoni per web faqen tone?

E shkelqyeshme
Shume e bukur
E mire
E dobet